Vonesa e gjashtë radhazi
Investitorët dhe kreditorët e bursës dikur gjigante të kriptovalutave Mt. Gox do të duhet të presin edhe më gjatë. Administratori i rehabilitimit, Nobuaki Kobayashi, njoftoi se Gjykata e Qarkut në Tokio ka miratuar shtyrjen e afatit për pagesat nga 31 tetori 2026 në 31 tetor 2027. Kjo shënon shtyrjen e gjashtë që nga viti 2023, duke e zgjatur procesin e vështirë të shlyerjes së borxheve.
Probleme me procedurat
Sipas Kobayashi-t, pagesat për kreditorët që i kanë kryer procedurat e kërkuara pa komplikime janë kryesisht të përfunduara. Megjithatë, një numër i konsiderueshëm i kreditorëve mbeten ende të papaguar për shkak se nuk kanë përfunduar procedurat administrative ose për shkak të problemeve teknike gjatë përpunimit të transaksioneve. Edhe pse Mt. Gox filloi të shlyente kreditorët me Bitcoin dhe Bitcoin Cash në korrik 2024, procesi po ecën shumë më ngadalë sesa ishte parashikuar.
Miliarda dollarë ende në pritje
Numri i saktë i kreditorëve që ende presin pagesën dhe sasia e Bitcoin-it që mbetet për t'u shpërndarë nuk janë bërë publike. Megjithatë, të dhënat nga Arkham Intelligence tregojnë se portofolet që lidhen me Mt. Gox ende mbajnë rreth 34,400 Bitcoin, vlera e të cilëve aktualisht arrin në rreth 2.8 miliardë dollarë.
